مِه جان مارهِ
رفیقِ خوب وباوفا مه جان ماره
عزیزترین خلقِ خدا مه جان ماره
اونکه با حال خسته ودست دَوِسته
هِدائِه روحم رِه جلا مه جان ماره
اونکه با جیب خالی وفقر ونداری
هاکاردِه خاکِم ره طلا مه جان ماره
اونکه با سجاده ی سبز ومُهرو تسبیح
همش هسه غرق دعا مه جان ماره
اونکه درون مشکلات خانواده
همش وُونه آخر فدا مه جان ماره
اونکه به هر نفس درون دشت وصحرا
مِره زَنده یواش صدا مه جان ماره
(صبای ساروی)
